Zuk zeuk sortuko duzu zure etorkizuneko lana, non artea eta kultura oinarrizkoak izango diren.

Kultura eta Sormen Industrietan espezializatutako Lidergo Ekintzailea eta Berrikuntza nazioarteko gradu ofizialak (LEINN ARTS) etorkizuneko erronka handienetako bati erantzuten dio: sormenaren, artearen eta kultura eta sormen industrien bitartez, pertsonen eta XXI. mendeko gizartearen beharrei erantzutea.

 

Horretarako, graduetan erabili ohi diren metodologiak alde batera utzi, eta azken 20 urteetan Finlandian sortutako metodologia arrakastatsua erabiltzen da. Metodologia honek hiru oinarri ditu: eginez ikasi, talde-lana eta sormenerako nazioarteko bidaiak.

LEINN gradua 2008an sortu zuen Mondragon Team Academy-k (MTA). LEINNek Finlandiako Tiimiakatemia-ren metodologia eta Mondragon Unibertsitatearen esperientzia uztartzen ditu.

 

Egun, LEINN gradua hiru kontinentetako (Europa, Asia eta Amerika) 12 hiritan eskaintzen da, guztira 1000 gazte-ekintzailek baino gehiagok gauzatzen dute gradua, eta dagoeneko, 750 gazte baino gehiago graduatu dira.

 
 

Taldeko ekintzailetasuna da graduaren oinarri nagusietako bat. Taldekide guztien talentua batuz, proiektu eta ideia hobeak garatu daitezke. Artea eta kulturaren esparruan enpresa ekimenak sortuko dira, eta ezagutza praktikan jarriko da gizarte-balioa sortzeko. Gaitasuna eta kemena eskatzen duten proiektu errealak gauzatzen dira, eta arrakasta eta akatsetatik ikasten da. Taldean egiten, sortzen eta asmatzen da.

 

LEINN graduko espezializazioa da LEINN ARTS. LEINN graduko ezagutza eta metodologia artea, kultura eta sormen industrien alorrekin uztartzen ditu, sormena duten ekintzaileak eta aldaketarako liderrak gaitzeko helburuarekin. Ikaskuntza prozesuan zehar esparrua gertutik ezagutuko da, eta taldean enpresa ekimen berriak sortzeko, artearen eta sormen prozesuen kontzeptu desberdinak landuko dira.

 
CastRecurso 18
CastRecurso 19-100
apRecurso 9

Impulsed by

Follow us

Join to our newsletter